Friday, 21 November 2014

JAO EXAMINATION -OUTSIDERS

JAO  கேடருக்கான புதிய ஆட்களை தேர்ந்தெடுப்பதற்கான விளம்பரம் இன்று வெளியிடப்பட்டது.  இது வெளியில் உள்ள தகுதியானவர்களுக்கான அழைப்பு. விபரம் காண
 இங்கே கிளிக் செய்கசொடுக்கு

இன்று  பேச்சு வார்த்தை நடைபெறவில்லை.JAC -ல் பங்கு பெற்றுள்ள அனைத்து சங்கங்களையும் அழைத்தால் மட்டுமே கலந்து கொள்வோம் என JAC அறிவித்தது.போராட்டம் திட்டமிட்டபடி நடைபெறும்.
JAC  சார்பாக இன்று காஞ்சிபுரத்தில் வேலைநிறுத்த விளக்கக் கூட்டம் நடைபெற்றது. நமது சங்கத்தின் சார்பாக தோழர்.எம்.கே.ராமசாமியும், சார்பாக தோழர்.கன்னியப்பனும் பேசினார்கள். கோட்டச் செயலர் தோழர்.கோபால் முன்னிலை வகித்தார். மாவட்டத்தின் சார்பாக தோழர்.பஞ்சாட்சரம்,தோழியர்.சாரதா, சிங்காரவேலு மற்றும் மாநில பொருளாளர் ரவி,அமைப்புச் செயலர் ராம்பிரபு ஆகியோர் பங்கேற்று சிறப்பித்தனர்.







போடோக்கள் உதவி:தோழர்.ராம்பிரபு,காஞ்சி

1700 மணி நிலவரம்:

வேலைநிறுத்தப் பேச்சு வார்த்தை பற்றி இது வரை எந்த தகவலும் இல்லை

இலங்கை அரசால் தூக்கு தண்டனை விதிக்கப்பட்ட ஐந்து மீனவர்களும் தூக்கு ரத்தாகி இன்று தமிழகம் திரும்பினர். அவர்களூக்கு நமது நல்வாழ்த்துக்கள்

நவம்பர் 27 வேலை நிறுத்தம் 
பேச்சுவார்த்தை 

நவம்பர் 27 அகில இந்திய வேலை  நிறுத்த அறிவிப்பையொட்டி 
NFTE மற்றும் BSNLEU சங்கங்களை இன்று மதியம் மூன்று மணிக்கு (21/11/2014)பேச்சுவார்த்தைக்கு BSNL நிர்வாகம் அழைத்துள்ளது. 

போராட்ட அறிவிப்பு JAC - கூட்டு நடவடிக்கைக்குழுவால் அறிவிக்கப்பட்டது. ஆனால் பேச்சுவார்த்தைக்கு 
அங்கீகரிக்கப்பட்ட இரண்டு சங்கங்கள் மட்டுமே கலந்து கொள்ள வேண்டும் என நிர்வாகம் கூறியுள்ளது. 

முக்கிய பிரச்சனைகளில் தீர்வு இல்லாமல் வேலைநிறுத்தும் விலக்கிக்கொள்ளப்பட மாட்டாது என எதிர்பார்க்கிறோம்.


Thursday, 20 November 2014

2ஜி வழக்கு விசாரணையிலிருந்து சிபிஐ இயக்குநர் சின்ஹா நீக்கம்; உச்ச நீதிமன்றம் அதிரடி!



டெல்லி: 2 ஜி வழக்கு விசாரணையில் இருந்து  சிபிஐ இயக்குநர் ரஞ்சித் சின்ஹாவை நீக்கி உச்ச நீதிமன்றம் அதிரடி உத்தரவு பிறப்பித்துள்ளது.
2ஜி வழக்கு விசாரணையில் அவர் தலையிடக்கூடாது என்றும், சின்ஹா இடத்தில் வேறு ஒரு அதிகாரி இருந்து இவ்வழக்கை விசாரிக்க வேண்டும் என்றும் கூறியுள்ள நீதிபதிகள், சிபிஐ-யின் நற்பெயர் மற்றும் மதிப்புக்கு களங்கம் ஏற்படுத்த வேண்டாம் என்ற நோக்கில்  இது தொடர்பாக மேலும் விரிவான உத்தரவுகளை பிறப்பிக்கவில்லை என்றும் கூறியுள்ளனர்.
இந்த வழக்கு இன்று  விசாரணைக்கு வந்த போது, நீதிமன்றத்தில் சின்காவுக்கு எதிராக பூஷண் தாக்கல் செய்துள்ள ஆதாரங்கள் நம்பகத்தன்மை உள்ளதாகவும், ஏற்றுக்கொள்ளக்கூடியதாகவும் இருப்பதாக நீதிபதிகள் தெரிவித்தனர்.
" எங்களை பொறுத்தவரை எல்லாமே சரியாக இல்லை. சிபிஐ இயக்குநர் சின்ஹாவுக்கு எதிராக தொண்டு நிறுவனம் கூறியுள்ள குற்றச்சாட்டில் 'சில நம்பகத்தன்மை'  உள்ளதாகவே நாங்கள் கருதுகிறோம்" என நீதிபதிகள் கூறினர்.

முன்னதாக சிபிஐ இயக்குநர் ரஞ்சித் சின்ஹாவின் வீட்டிற்கு 2 ஜி உள்ளிட்ட ஊழல் வழக்குகளில் தொடர்புடையவர்கள் அடிக்கடி வந்து சென்றதாக , பொது நல வழக்காடு மையம் உச்சநீதிமன்றத்தில் வழக்கு தொடர்ந்தது. அதற்கு ஆதாரமாக ரஞ்சித் சின்ஹா இல்லத்தின் வருகைப் பதிவேட்டை நீதிமன்றத்தில் சமர்பித்தது. எனினும் வருகைப் பதிவேட்டை வெளியிட்ட நபரின் விவரங்களை வெளியிட பொதுநல வழக்காடு மையம் மறுப்பு தெரிவித்து அதற்கு மன்னிப்பு கோரியது.
இந்நிலையில் இந்த வழக்கில் அரசு சிறப்பு வழக்கறிஞர் தங்களுக்கு உதவ வேண்டும் என உச்சநீதிமன்றம் வலியுறுத்தியது. இது தொடர்பாக தனது கருத்துகளை பிரமாண பத்திரமாக தாக்கல் செய்த ஆனந்த் குரோவர் இன்று நீதிமன்றத்தில் ஆஜராகி வாதிட்டார்.
2ஜி   விசாரணையில் தலையீடு: ரஞ்சித் சின்ஹா மீது அரசு வழக்கறிஞர் குற்றச்சாட்டு

2 ஜி வழக்கில் ரஞ்சித் சின்ஹாவின் தலையீடு சிபிஐயின் நிலைப்பாட்டிற்கு எதிரானது என தெரிவித்த அவர் , ரஞ்சித் சின்ஹாவின் நிலைப்பாட்டு ஏற்கபட்டிருந்தால் 2ஜி வழக்கு விசாரணையே சீர்குலைந்திருக்கும் எனவும் தெரிவித்தார்.

அப்போது குரோவரின் குற்றச்சாட்டுக்கு விளக்கம் அளித்த சிபிஐ கூடுதல் இயக்குநர் அஷோக் திவாரிக்கு நீதிபதிகள் கண்டனம் தெரிவித்தனர். " நீங்கள் என்ன அவரது ஏஜெண்டா என கேட்ட நீதிபதிகள், நீதிமன்றத்திற்கு ஏராளமான சிபிஐ அதிகாரிகள் இருந்தததை கண்டித்தனர். உங்களுக்கு இங்கே என்ன வேலை..? நாங்கள் உங்களை அழைத்தோமா? எனக் கேட்டு, போய் உங்களது அலுவலகத்திற்கு சென்று வேலையை பாருங்கள் என்றும் காட்டமாக கூறினர்.

சிபிஐ தரப்பு வழக்கறிஞர், வழக்கு தொடர்பான கோப்புகளில் உதவுவதற்காக அவர்கள் வந்துள்ளனர் என்று கூறியதை ஏற்க நீதிபதிகள் மறுத்துவிட்டனர்.
இந்த நிலையிலேயே இன்று பிற்பகல் வழக்கு மீண்டும் விசாரணைக்கு வந்தபோது, 2ஜி வழக்கு விசாரணையிலிருந்து சின்ஹாவை நீக்கி நீதிபதிகள் அதிரடி உத்தரவு பிறப்பித்தனர்.
சின்ஹா ராஜினாமா செய்வாரா?
ரஞ்சித் சின்ஹாவின் வீட்டிற்கு 2 ஜி உள்ளிட்ட ஊழல் வழக்குகளில் தொடர்புடையவர்கள் அடிக்கடி வந்து சென்றதாக குற்றச்சாட்டு கிளம்பிய உடனேயே அவர் சிபிஐ இயக்குநர் பதவியிலிருந்து ராஜினாமா செய்ய வேண்டும் என்று பல்வேறு தரப்பிலும் வலியுறுத்தப்பட்டது.
சிபிஐ விசாரிக்கும் ஒரு வழக்கில் அதன் இயக்குநர் விலகி இருக்க வேண்டும் என்று உச்ச நீதிமன்றம் உத்தரவு பிறப்பித்திருப்பது, சின்ஹாவுக்கு மிகப்பெரிய அவமானமும், பின்னடைவாகும். இதனால் அவர் இனியும் அப்பதவியில் நீடிப்பது சரியா? என்ற கேள்வி எழுந்துள்ளது. இவ்விஷயத்தில் மத்திய அரசு என்ன செய்யப்போகிறது என்ற எதிர்பார்ப்பு எழுந்துள்ளது.  ஒருவேளை மத்திய அரசு தரப்பிலிருந்து வலியுறுத்தப்பட்டால், சின்ஹா தமது பதவியை ராஜினாமா செய்யும் நிலை ஏற்படும்.

நான் படித்த புத்தகம்.
காம்ரேட் பார்வதி கிருஷ்ணன்.
ஆசிரியர்:
திரு ப.பா.ரமணி,
62-A, எஸ்.பி.நகர், டி.வி.எஸ். நகர் ரோடு,
கவுண்டம்பாளையம், கோயம்புத்தூர். 641 030.
கைபேசி: 94421 78974
மின்னஞ்சல்: comramani@gmail.com
வெளியீடு:
சமூக விஞ்ஞானப் பயிலரங்கம், கலாமன்றம், ஜவஹர்புரம்,
வேலாண்டிபாளையம், கோயம்புத்தூர். 641 025.
கைபேசி எண்கள்: 93632 42494 // 81224 99492 // 81223 62030
வலைத்தளம்: www.scientificsocialists.org
இரண்டாம் பதிப்பு: அக்டோபர், 2014 - விலை ரூ.130 - பக்கங்கள்: 180
புத்தகத்தைப் பற்றி:
தினமலரில் புத்தகங்கள் வருகை பகுதியில் பார்த்து ஆசிரியரை தொடர்பு கொண்டு வாங்கினேன்.
குமாரமங்கலம் ஜமீன் குடும்பத்தில் பிறந்து கம்யூனிஸ்டாகவே வாழ்ந்த திருமதி பார்வதி கிருஷ்ணன் வாழ்வில் நடந்த சம்பவங்கள் பற்றிய புத்தகம். ஆச்சரியப்பட வைக்கும் எளிமையான வாழ்க்கை. அனைவரும் படிக்க வேண்டிய அற்புதமான புத்தகம்.
நன்றி நண்பர்களே.

Tuesday, 18 November 2014

நவம்பர் 18 'கப்பலோட்டிய தமிழன்' வள்ளிநாயகம் உலகநாத சிதம்பரம் பிள்ளை நினைவு தினத்தையொட்டி சிறப்பு பகிர்வு..


நவம்பர் 18 'கப்பலோட்டிய தமிழன்'வள்ளிநாயகம் உலகநாத சிதம்பரம் பிள்ளை மறைந்த தினம் இன்று. 
விடுதலைப்போரில் தமிழகம் காலத்துக்கும் உச்சரிக்க வேண்டிய பெயர்களில் முன்னணியில் இருப்பது இவரின் பணிகள். வக்கீல் தொழிலில் பெரும்பொருள் ஈட்டிக்கொண்டு இருந்தார் அவர். குற்றவியல் வழக்குகளில் வ.உ.சி உள்ளே நுழைகிறார் என்றால் நீதிமன்றமே ஆடிப்போகும். எளியவர்களுக்கு இலவசமாக வாதிடுகிற பண்பும் அவரிடம் நிறைந்து இருந்தது.
பாலகங்காதர திலகர், லாலா லஜபதிராய் போன்றோரால் கவரப்பட்டு நாட்டின் விடுதலைப்போரில் பங்குகொண்டார் வ.உ.சி. இதையடுத்து 1905-ஆம் ஆண்டு காங்கிரஸ் இயக்கத்தில் தன்னை இணைத்து கொண்டு, சுதந்திர போராட்டத்தில் வ.உ.சி. ஈடுபட்டார். அவரின் பற்றால் அவரை 'வந்தே மாதரம் பிள்ளை ' என்று அழைத்தார்கள் தலைவர்கள்.
இந்தியாவை ஆங்கிலேயர் சுரண்டிக்கொண்டு இருப்பதையும்,வர்த்தகத்தில் தங்களின் ஆதிக்கத்தின் மூலம் இந்தியாவை வறுமையில் வாடவிடுவதையும் வ.உ.சி உணர்ந்தார். சுதேசி நாவாய் சங்கத்தை உருவாக்கினார். ஷாலேன் ஸ்டீமர்ஸ் கம்பெனி எனும் நிறுவனத்திடம் இருந்து கப்பல்கள் வாடகைக்கு எடுத்தார். ஆங்கிலேய அரசு முட்டுக்கட்டை போட்டது. கிளம்பிப்போய் கொழும்பில் இருந்து கப்பல்கள் வாடகைக்கு கொண்டு வந்தார்.
இருந்தாலும் சொந்த கப்பல் தேவை என்று உணர்ந்து எங்கெங்கோ அலைந்து காலியா எனும் கப்பலை கொண்டு வந்தார் ; வேதமூர்த்தி பிரான்ஸ் தேசம் சென்று "எஸ்.எஸ். லாவோ" கப்பலை வாங்கி வந்தார். ஆங்கிலேய அரசின் வியாபாரம் பாதிக்கப்பட்டது. விலையை குறைத்து ஈடு கொடுத்தது அரசு. இவரும் குறைத்துப்பார்த்தார். இறுதியில் கப்பலில் ஏறினாலே குடை இலவசம் என்று
அரசு அறிவிக்க மக்கள் கூட்டம் அங்கே போனது  தொழிற்சங்கங்கள் தமிழ்நாட்டில் இல்லாத காலத்திலேயே தூத்துக்குடியில் கோரல் நூற்பாலை யில் தொழிலாளர் போராட்டத்தை முன்னின்று நடத்தினார் வ.உ.சி. பன்னிரண்டு மணிநேரம் ஓயாமல் வேலை,விடுமுறையே இல்லாத சூழல்
ஆகியவற்றை ஒன்பது நாள் போராட்டத்தின் மூலம் வென்று காட்டினார். விடுமுறை,வேலை நேரம் குறைப்பு முதலிய சலுகைகள் பெறப்பட்டன. அப்பொழுது தன்னுடைய செல்வத்தின் பெரும்பகுதியை இதற்கென்று செலவு செய்தார்.
பிபன் சந்திர பால் மார்ச் ஒன்பதை விடுதலை நாளாக கொண்டாட அழைப்பு விடுத்ததும் வ.உ.சி அதை தன் பகுதியில் கொண்டாட முடிவு செய்தார். கலெக்டர் வின்ச் பார்க்க அழைத்து சில நிபந்தனைகள் விதித்தார். அதை ஏற்க மறுத்ததால் அவரை கைது செய்தார். திருநெல்வேலியில் கடைகள் அடைக்கப்பட்டு,போக்குவரத்து ஸ்தம்பித்து,ஆலைகள் போராட்டத்தில் ஈடுபட்டு,கடைகள் மூடப்பட்டு ,நகராட்சி ஊழியர்கள், முடி திருத்துபவர்கள், துணி வெளுப்பவர்கள், குதிரை வண்டி
ஓட்டுபவர்கள் என்று எல்லாரும் வேலை நிறுத்த போராட்டம் செய்தார்கள். அரசு மசியவில்லை.
தேசத்துரோக குற்றம் சாட்டப்பட்டு நாற்பாதாண்டு கடுங்காவல் தண்டனை விதிக்கப்பட்டது. அந்த தீர்ப்பில் நீதிபதி ஃபின்ஹே  சிதம்பரம்பிள்ளையின் பிரசங்கத்தையும் பாரதியாரின் பாட்டையும் கேட்டால் செத்த பிணம் உயிர் பெற்று எழும். புரட்சி ஓங்கும். அடிமைப்பட்ட நாடு ஐந்தே நிமிடங்களில் விடுதலை பெறும்" என்று எழுதினார். பின்னர் அந்த தண்டனை மேல்
முறையீட்டுக்கு பின்னர் ஆறாண்டுகளாக குறைக்கப்பட்டது.



டோரைத் திற... யேர் வரட்டும்!
___________________________________

''இந்திய ரயில்வேத் துறை என்பது அந்நிய பெருமுதலாளிகளுக்கு ஒரு பிரமாண்ட சந்தை...
அதை மிகப்பெரிய அளவுக்கு பயன்படுத்திக் கொண்டால் பெரும் லாபம் சம்பாதிக்கலாம்...
அந்நிய முதலாளிகளுக்காக உழைப்பதற்கு இந்தியாவில் மிகப்பெரிய அளவில் தொழிலாளர் சந்தை இருக்கிறது...

முந்தைய காங்கிரஸ் கூட்டணி அரசு புதிதாக சட்டங்களை உருவாக்குதில் மகிழ்ச்சியடைந்தது, ஆனால் என்னைப் பொறுத்தவரை சட்டங்களை ஒழிப்பதில்தான் மகிழ்ச்சியடைகிறேன். ஏராளமான சட்டங்களை ரத்து செய்வேன்; அதன்மூலம் சுத்தமான காற்று உள்ளே வரட்டும்''
- ஆஸ்திரேலியா தலைநகர் சிட்னியில், மோடி உதிர்த்த முத்துக்களில் கொஞ்சூண்டு!

# சிட்னில கிட்னி கோயிந்தா!!

Monday, 17 November 2014




J A C 
அனைத்து ஊழியர்கள் சங்க
கூட்டு நடவடிக்கைக்குழு 
30 அம்ச கோரிக்கைகள் 
  • ஆண்டு உயர்வுத்தொகை தேக்கநிலை தீர்த்தல்.
  • 01/01/2007க்குப்பின் பணியமர்ந்தவர்களின் ஊதிய முரண்பாடு களைதல்.
  • புதிய போனஸ் கணக்கீடு உருவாக்குதல்.
  • நாலுகட்டப்பதவி உயர்வில் SR.TOA தோழர்களின் குறைகளை நீக்குதல்.
  • கருணை அடிப்படை பணி நியமனத்தில் விதிகளை தளர்த்துதல்.
  • LTC,மருத்துவப்படி,விடுப்பைக்காசாக்கல் ஆகியவற்றை மீண்டும் பெறுதல்.
  • பதவி உயர்வில் அதிகாரிகளுக்கான  E1 சம்பள விகிதம் பெறுதல்.
  • பதவிகளுக்கான உரிய பெயர் மாற்றம் செய்தல்.
  • JTO பதவிகளில் தற்காலிக பதவி வகிக்கும் TTA தோழர்களை நிரந்தரப்படுத்துதல்.
  • BSNL நேரடி நியமன ஊழியர்களுக்கு ஓய்வூதிய பலன்கள் அளித்தல்.
  • இலாக்கா தேர்வுகளில் SC/ST  தோழர்களுக்கான மதிப்பெண்களில் தளர்வு.
  • JTO  மற்றும் JAO தேர்வு முடிவுகளை மறு பரிசீலனை செய்தல்.
  • புதிதாக ஊழியர்களை ஆளெடுப்பு மூலம் நியமனம் செய்தல்.
  • விடுபட்ட மஸ்தூர் தோழர்களை நிரந்தரம் செய்தல்.
  • ஒப்பந்த ஊழியர்களுக்கு குறைந்தபட்ச சம்பளம்,EPF,ESI வசதி வழங்குதல்.
  • MANAGEMENT TRAINEE தேர்வெழுத ஊழியர்களுக்கு வாய்ப்பு வழங்குதல்.
  • TM பயிற்சி முடித்து நிரந்தரம் ஆகாதவர்களுக்கு ஊதிய உயர்வு அளித்தல்.
  • மஸ்தூர் தோழர்களுக்கு IDA சம்பள விகிதத்தில் சம்பளம் வழங்குதல்.
  • SC/ST  நிரப்பப்படாத காலியிடங்களை நிரப்புதல்.
  • SR.TOA, DRIVER, மற்றும் TM பதவிகளின் சம்பள விகிதங்களை உயர்த்துதல்.
  • DOT காலத்தில் பயிற்சிக்கு சென்று BSNLலில் பணி நியமனம் பெற்றவர்களை   DOT ஊழியராக கருதுதல்.
  • 01/10/2000க்கு முன் பதவி உயர்வு பெற்று 01/10/2000க்குப்பின் ஆண்டு உயர்வுத்தொகை பெற விருப்பம் கொடுக்க அனுமதித்தல்.
  • ஓய்வு பெற்ற தோழர்களுக்கு 78.2 IDA இணைப்பை வழங்குதல்.
  • முதலாம் ஊதியக்குழு முரண்பாடுகளைக் களைதல்.
  • TELECOM FACTORYகளை மறு சீரமைத்தல்.
  • JTO/JAO/TTA/TM தேர்வெழுதுவதற்கான தகுதிகளை தளர்த்துதல்.
  • 01/01/2007ல் இருந்து 78.2 IDA நிலுவை வழங்குதல்.
  • அனைத்து விதமான படிகளையும்  உயர்த்தி வழங்குதல்.
  • அழைப்பு மையங்களில் CALL CENTERகளில் BSNL ஊழியர்களை பணியமர்த்துதல்.
  • அனைத்து ஊழியர்களுக்கும் இலவச SIM  வழங்குதல்.
தோழர்களே/தோழியர்களே 
 மிக முக்கிய நீண்ட நாள் கோரிக்கைகள் 
இன்னும் தீர்க்கப்படாமலே உள்ளது. எனவேதான் 
27/11/20014 அன்று ஒரு நாள் வேலை நிறுத்தம் என
கூட்டு நடவடிக்கைக்குழுவால் அறிவிக்கப்பட்டுள்ளது. 
கூடித்துயர் தீர்ப்போம்...
Thiruvallur District Executive Committee meeting of NFTE union was held today in Thirunindravur. It discussed many issues including the proposed one day strike on 27-11-14.Circle union office bearers Nagan,Rajendran, Kandasamy and CircleSecretary C.K.Mathivanan took part in the meeting.




Saturday, 15 November 2014


அஞ்சலி

NFTE-BSNL தமிழ் மாநிலச்செயலர் 
தோழர். பட்டாபி 

அவர்களின் 

அருமைத்தாயார்  

இரா. மங்களம் அம்மாள் 
அவர்கள்  14/11/2014 அன்று 
 இயற்கை எய்தினார். 


அன்னாரது பிரிவால் வாடும் குடும்பத்தாருக்கு
நமது ஆழ்ந்த இரங்கலை 
உரித்தாக்குகின்றோம்.


Friday, 14 November 2014

"Let us remember :One book, one pen. one child, and one teacher can change the world." Let us sacrifice our today, so that our children can have a better tomorrow.. குழந்தைகள் தின நல்வாழ்த்துக்கள்!!!




தோழர் நல்லக்கண்ணு....
பிறப்பில் மறவர் என்றாலும் ஒரு நாளும் சாதி சொன்னதில்லை.
மனிதன் சாதியால் எங்கு ஒடுக்கப்பட்டாலும் அங்கு தோழரின் எதிர்ப்பு குரல்
ஓங்கி ஒலிக்கும் மென்மையாய் உறுதியாய்.
தோழர் நல்லக்கண்ணுவின் மாமனாரும் இடது சாரி இயக்கத்தில் ஈடுபாடு கொண்டவர்.பல்வேறு போராட்டங்களில் ஈடுபட்டவர்.
தென் மாவட்ட சாதி கலவரத்தில் தோழர் நல்லகண்ணுவின் மாமாவை சாதி வெறிக்கும்பல் கொன்றது.அப்போது பள்ளர்கள் தான் அவரை கொன்று விட்டார்கள் என குற்றம் சுமத்தப்பட்டது.
அப்போது தோழர் நல்லக்கண்ணு சொன்னார் "பள்ளர் சமூக மக்களுக்காக என் மாமா பல போராட்டங்களில் பங்கெடுத்து உள்ளார்.மாமாவை பள்ளர் சமூக மக்கள் கொன்றிருக்க மாட்டார்கள் என்று உறுதியாய் சொன்னார்"
அவர் சொன்னதே உண்மையாய் போனது,தோழர் நல்லக்கண்ணுவின் மாமாவை சொந்த சாதி வெறிக்கும்பலே கொன்றது.
இது தான் ஒரு சமூகத்தின் மீது ஒருவர் வைக்கும் நம்பிக்கை.
இது தான் ஒருவர் மீது ஒரு சமூகமே வைக்கும் நம்பிக்கை.
சமூக நல்லிணக்கத்தின் வாழும் உதாரணம் தோழர் நல்லக்கண்ணு.

Thursday, 13 November 2014

NFPTE -இன் வைரவிழாவை ஒட்டி தோழர்.மதிவாணன் எழுதி உள்ள கட்டுரை

நமது தாய் சங்கமாம் NFPTE 24/11/1954. அன்று தொடங்கப்பட்டது. அதன் வைரவிழாவை கொண்டாடுவதில் நாமெல்லாம் பெருமை கொள்வோம்.
1954 முதல் 2014 வரை NFPTE ல் இந்த 60 ஆண்டுகளில் தபால்தந்தி என்பது 1985 ஆண்டில் தபால் துறை தனியாகவும் தொலைதொடர்பு என்பது தனியாகவும் பிரிக்கப்பட்டது.  2000 ஆண்டில் BSNL அரசின் நிறுவனமாக மாற்றம் பெற்றது. எது எப்படி என்றாலும் NFTE – BSNL சங்கம் தான் NFPTE சங்கத்தின் நேரடி வாரிசு என்பதில் பெருமை கொள்கிறோம்.
அன்றைய தொலைதொடர்பு அமைச்சர் பாபு ஜெகஜீவன்ராம் அவர்களின் மூளையில் உதிர்ந்த அபூர்வ குழந்தை தான் NFPTE என்று சொன்னால் அது மிகையல்ல. 1949 போராட்டத்தின் கசப்பான அனுபவத்தின் காரணமாக தபால், RMS, தந்தி, பொறியியல் பிரிவு மற்றும் நிர்வாகப்பிரிவு இணைக்ப்பட்டும் ஒரு சம்மேளனமாக உருவானது.
இந்திய அளவிலான அனைத்து ஒன்பது சங்கத்திற்கும் கட்டாயமான ஆனால் எந்த ஒரு சங்கத்தையும் நீக்கவோ () விலக்கவோ இயலாத சம்மேளனமாக NFPTE விளங்கியது. இணைந்த ஒன்பது கரங்கள் என்பது ஒன்பது சங்கத்தை குறிப்பதாக அமைந்திருந்தது. அந்த புனிதமான இணைந்த ஒன்பது கரங்கள் சின்னத்தை  NFTE –BSNL இன்றைக்கும் தக்கவைத்துக்கொண்டுள்ளது என்பது குறிப்பிடத்தக்கது.
1954க்கும் 1969 க்கும் இடைப்பட்ட 15 ஆண்டுகளாக NFPTE மட்டுமே P & T துறையின் அங்கீகரிக்கப்பட்ட சங்கமாக இருந்தது. P & T தொழிற்சங்க வரலாற்றின் இந்த பொற்காலத்தில் தான் சாதனைகள் பலநிறைவேற்றப்பட்டன. மூன்றாம் பிரிவு நான்காம் பிரிவு என்ற பாரபட்சம் நீக்கப்பட்டதுஅனைத்து சலுகைகளும் வலிமையான போராட்டதின் காரணமாக பெறப்பட்டு அது அனைத்து தொழிலாளிகளுக்குமானதாக மாற்றம் பெற்றது.
குறைந்தபட்ச ஊதியமாம் ரூபாய் 314/- என்பதை வலியுறுத்தி தேசியம்தழுவிய  வேலைநிறுத்தம் 19-09-1968ல் அனைத்து மத்திய அரசு ஊழியர்களின் சார்பாக நடைபெற்றது. போராட்டத்திற்கு எதிராக அன்றைய பிரதமர் திருமதி இந்திராகாந்தி அதிகார வன்முறையை கட்டவிழ்த்துவிட்டார். தற்காலிக ஊழியர்கள் சுமார் 50,000 பேர் பணி நீக்கம் செய்ய உத்தரவிட்டார். NFPTE குறிப்பாக E-3 & E-4 சங்க தோழர்கள் பழிவாங்குதலுக்கு ஆளானார்கள். NFPTE அங்கீகாரம் பறிக்கப்பட்டது. அரசின் ஆதரவுடன் INTUC துவங்கப்பட்டது. 1969 ல்ஆளும் அரசின் ஆசைக்குழந்தையாக FNPTO உதயமானது P&T தொழிற்சங்க வரலாற்றில் அது ஒரு கறுப்புதினம் என்றால் அது மிகையல்ல.
அனைத்தையும் தாண்டி தோழர்.ஞானையா மற்றும் ஓ.பி.குப்தா இவர்களின் 6 நாள் உண்ணாவிரத போராட்டத்தின் (19-09-1969 TO 25-09-1969) அடிப்படையில் தொழிற்சங்க அங்கீகாரம் மீண்டும் பெறப்பட்டது.
1975 ல் இந்திராகாந்தியின் எமர்ஜென்சி காலத்தில் பிற தொழிற்சங்கங்கள் அரசின் அடக்குமுறைக்கு பயந்து இருந்தபோது பஞ்சப்படி மற்றும் பிற சலுகைகளுக்காக NFPTE தொடர்ந்து போராடியது. எரிச்சலுற்ற இந்திராகாந்தி அம்மையார் NFPTE மீது அடக்குமுறைகளை கட்டவிழ்த்துவிட்டார். நமது தொழிற்சங்க பத்திரிக்கையாம்
 “P&T Labour“ அரசின் தொழிலாளர் விரோதகொள்கைகளை விமர்சித்து எழுதியது என்ற காரணத்திற்காக இந்தியா முழுவதும் உள்ள தபால் அலுவகங்களில் வைத்து தீயிட்டு கொளுத்தப்பட்டது என்பதை பெருமையுடன் இன்றும் நினைத்துப் பார்க்கலாம்.
ஜனதா அரசின் காலத்தில், BPTEF என்ற BMS ஆதரவு தொழிற்சங்கம் அங்கீகாரம் பெற்றது. அதன் பிறகு வந்த அரசுகள் எல்லாம் அரசியல் அடிப்படையில் தொழிலாளர்களை பிரித்து வைத்த காரணத்தால் ஒட்டுமொத்த கூட்டுபேர சக்தி என்பது பலவீனப்பட்டது.
தோழர்கள் ஞானையா,  குப்தா போன்றவர்களின் தலைமையில் போனஸ் என்பது நிரந்தர ஊழியர்களுக்கு மட்டுமல்லாமல் ED மற்றும் அனைத்து தொழிலாளர்களுக்கும் வழங்கப்பட்டது. பதவி உயர்வு, ஒரு லட்சம் ஊழியர்கள் பணிநிரந்தரம், RTP நிரந்தரம் JCM அமைப்பு போன்ற பல்வேறு சாதனைகள் உண்மையாயின. NFPTE -ன் கடைசி கவுன்சில் கூட்டம் கொல்கத்தாவில் 1986 ம் ஆண்டு நடைபற்றது.
நான் அதன் பிரதிநிதியாக அந்த வரலாற்று சிறப்புமிக்க கூட்டத்தில் கவுன்சிலர் என்ற முறையில் மூன்றாம் பிரிவு ஊழியர் சங்கத்தின் சார்பாக பங்கேற்றேன். என்னுடன் தோழர்.சுப்பராயன் மற்றும் தோழர் ஈரோடு மாலி ஆகியோர் கலந்து கொண்டதை பெருமையுடன் நினைவு கூர்கிறேன்..  

தோழர்.ஓ.பி.குப்தா  (NFPTE-ஐ உருவாக்கிய சிற்பி) அந்த கூட்டத்தில் அதனை பிரிக்க வேண்டும் என கோரிக்கை வைத்த தலைவர்கள் கே.எல்.மோசா, ஆதி மற்றும் என்.ஜே.ஐயர் ஆகியோரிடம் பிரிக்க கூடாது என இருகரம் கூப்பி மன்றாடியது இன்றும் என் நினைவில் இருக்கிறது.

ஆனால் அந்த துயரநாளும் வந்தது. 1986-இல்  NFPTE சங்கம் NFTE  and NFPE என்ற இரண்டாக உடைந்தது.நான் கடைசி வரை அது உடையாது என்ற அசையாத நம்பிக்கையுடன் இருந்தேன்.

NFPTE என்பது இப்போது வரலாறு ஆகிவிட்ட்து. 60 வருடங்களை நாம் கடந்து விட்டோம்.  NFPTE  இன்று இல்லாவிட்டாலும் அதன் சுவையான நினைவுகளையும் நடத்திய போராட்டங்களையும் இந்த வைரவிழா நடக்கும் நாளில் நினைவு கூர்வோம். அந்த பாரம்பரியங்களோடு தொழிலாளியின் ஒற்றுமைக்கு அது கொடுக்கின்ற செய்தியாக எடுத்துக் கொள்வோம்..  

---சி.கே.மதிவாணன்
மத்திய செயற்குழு உறுப்பினர்
NFTE-BSNL
தமிழாக்கம்:காஞ்சி வலைதளம்        


நோட்டீஸ் போர்டில் போட சொடுக்குகஇங்கே